2016 jylǵy 8 qarasha Astana, Úkimet Úıi
Ataýly memlekettik áleýmettik kómek alýshylar bolyp tabylatyn jeke tulǵalardy televızııalyq abonenttik jalǵamalarmen qamtamasyz etý qaǵıdalaryn bekitý týraly
«Teleradıo habarlaryn taratý týraly» 2012 jylǵy 18 qańtardaǵy Qazaqstan Respýblıkasynyń Zańy 42-babynyń 9-tarmaǵyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Ataýly memlekettik áleýmettik kómek alýshylar bolyp tabylatyn jeke tulǵalardy televızııalyq abonenttik jalǵamalarmen qamtamasyz etý qaǵıdalary bekitilsin.
2. Oblystardyń, Astana jáne Almaty qalalarynyń ákimdikteri osy qaýlydan týyndaıtyn sharalardy qabyldasyn.
3. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri B.SAǴYNTAEV
Qazaqstan Respýblıkasy Úkimetiniń
2016 jylǵy 8 qarashadaǵy №677 qaýlysymen bekitilgen
Memlekettik ataýly áleýmettik kómek alýshylar bolyp tabylatyn jeke tulǵalardy televızııalyq abonenttik jalǵamalarmen qamtamasyz etý qaǵıdalary
1. Jalpy erejeler
1. Memlekettik ataýly áleýmettik kómek alýshylar bolyp tabylatyn jeke tulǵalardy televızııalyq abonenttik jalǵamalarmen qamtamasyz etý qaǵıdalary (budan ári – Qaǵıdalar) «Teleradıo habarlaryn taratý týraly» 2012 jylǵy 18 qańtardaǵy Qazaqstan Respýblıkasynyń Zańy 42-babynyń 9-tarmaǵyna sáıkes ázirlendi jáne «Memlekettik ataýly áleýmettik kómek týraly» 2001 jylǵy 17 shildedegi Qazaqstan Respýblıkasynyń Zańyna sáıkes memlekettik ataýly áleýmettik kómek alýshylar bolyp tabylatyn jeke tulǵalardy televızııalyq abonenttik jalǵamalarmen qamtamasyz etý tártibin belgileıdi.
2. Osy Qaǵıdalardyń maqsattary úshin mynadaı uǵymdar paıdalanylady:
1) jergilikti atqarýshy organ (ákimdik) – oblystyń, respýblıkalyq mańyzy bar qalanyń jáne astananyń, aýdannyń (oblystyq mańyzy bar qalanyń) ákimi basqaratyn, óz quzyreti sheginde tıisti aýmaqta jergilikti memlekettik basqarýdy jáne ózin-ózi basqarýdy júzege asyratyn alqaly atqarýshy organ;
2) jergilikti bıýdjetten qarjylandyrylatyn atqarýshy organ – tıisti jergilikti bıýdjetterden qarjylandyrylatyn, jergilikti memlekettik basqarýdyń jáne ózin ózi basqarýdyń jekelegen fýnksııalaryn júzege asyrýǵa ákimdik ýákilettik bergen memlekettik mekeme (budan ári – atqarýshy organ);
3) ónim berýshi – kásipkerlik qyzmetti júzege asyratyn jeke tulǵa, zańdy tulǵa (memlekettik mekemelerdi qospaǵanda, eger olarǵa Qazaqstan Respýblıkasynyń zańdarymen ózgeshe belgilenbese), memlekettik satyp alý týraly shart jasasqan zańdy tulǵalardyń ýaqytsha birlestigi (konsorsıým);
4) ótinish berýshi – turatyn mekenjaıy boıynsha atqarýshy organǵa, al aýyldyq jerde – kenttiń, aýyldyń, aýyldyq okrýgtiń, aýdandyq mańyzy bar qalanyń ákimine ózimen únemi birge turatyn otbasy músheleriniń atynan aqysyz jalǵama alýǵa ótinish bergen jáne memlekettik ataýly áleýmettik kómek alýshy bolyp tabylatyn jeke tulǵa;
5) televızııalyq abonenttik jalǵama (budan ári – jalǵama) – abonenttiń ulttyq spýtnıktik jáne/nemese sıfrlyq efırlik telehabar taratý jelisindegi sıfrlyq tele-, radıosıgnaldy qabyldaýyna arnalǵan jeke tehnıkalyq qural;
6) teleradıo habarlaryn taratýdyń ulttyq operatory (budan ári – ulttyq operator) – memleket atynan menshik ıesi teleradıo habarlaryn taratýdyń ulttyq jelilerin kútip ustaý jáne damytý jónindegi mindetterdi júktegen, Qazaqstan Respýblıkasynyń Úkimeti belgilegen zańdy tulǵa.
2. Jalǵamalarmen qamtamasyz etý tártibi
3. Jalǵamalar DVB T2, MPEG 4 habar taratý standarttarynda (sıfrlyq efırlik teleradıo habarlaryn taratý úshin) sıfrlyq tele-, radıosıgnaldy qabyldaýdy qamtamasyz etýi, sıfrlyq efırlik teleradıo habarlaryn taratýdyń ulttyq jelisimen yqpaldasýy tıis.
4. Jergilikti atqarýshy organ sıfrlyq efırlik teleradıo habarlaryn taratýǵa tolyǵymen aýysqanǵa deıin atqarýshy organ memlekettik ataýly áleýmettik kómek alýshylar bolyp tabylatyn jeke tulǵalardy jalǵamalarmen qamtamasyz etýdi uıymdastyrady.
5. Jalǵamalarmen qamtamasyz etý ótinish berýshige aqysyz negizde jetkizý jáne ornatý nysanynda júrgiziledi.
6. Jalǵamalarmen qamtamasyz etý jeke óziniń atynan nemese otbasynyń jáne ózimen únemi birge turatyn basqa da adamdardyń atynan ótinish jasaǵan bir ótinish berýshige bir jalǵama degen eseppen júrgiziledi.
Jalǵamalarmen qamtamasyz etý birjolǵy bolyp tabylady jáne ol berilgennen keıin ony alǵan ótinish berýshige, onyń otbasy múshelerine jáne onymen únemi birge turatyn basqa da adamdarǵa berilmeıdi.
7. Sıfrlyq efırlik teleradıo habarlaryn taratýmen qamtylǵan eldi mekenderde ótinish berýshiler sıfrlyq efırlik teleradıo habarlaryn taratý jelisinde ulttyq operator taratatyn sıfrlyq tele-, radıosıgnaldy qabyldaýǵa arnalǵan jalǵamalarmen qamtamasyz etiledi.
8. Eldi mekender bólinisinde sıfrlyq efırlik teleradıohabarlaryn taratýdy paıdalanýǵa engizý merzimderi jáne sıfrlyq efırlik teleradıo habarlaryn taratýmen qamtý týraly málimetterdi ulttyq operator belgilengen jergilikti atqarýshy organnyń ákimshilik aýmaǵyna jatatyn sıfrlyq efırlik teleradıohabarlaryn taratýdy eldi mekenderde sıfrlyq efırlik teleradıo habarlaryn taratý paıdalanýǵa engizilgenge deıin úsh aı buryn jergilikti atqarýshy organǵa usynady.
9. Jergilikti atqarýshy organ halyqty ótinish berýshilerdiń jalǵamalardy aqysyz alý múmkindigi týraly buqaralyq aqparat quraldary arqyly habardar etedi jáne olardy jalǵama alý tártibi men sharttary týraly tolyq jáne ýaqtyly aqparatpen qamtamasyz etedi.
10. О́tinish berýshi jalǵama alý úshin turatyn mekenjaıy boıynsha jalǵamalardy aqysyz negizde jetkizý týraly ótinishterdi tirkeý jýrnalyna qujattardy tirkeıtin jáne ótinish berýshige qujattardyń qabyldanǵany týraly rastaý beretin atqarýshy organǵa, al aýyldyq jerde – kenttiń, aýyldyń, aýyldyq okrýgtiń, aýdandyq mańyzy bar qalanyń ákimine ótinish beredi.
О́tinishke ótinish berýshiniń jeke kýáliginiń kóshirmesi, ótinish berýshiniń (otbasynyń) ataýly áleýmettik kómek alýshylarǵa tıesiligin rastaıtyn anyqtama qosa beriledi. Salystyryp tekserilgennen keıin, jeke kýáliginiń túpnusqasy ótinish berýshige qaıtarylady.
Kenttiń, aýyldyń, aýyldyq okrýgtiń, aýdandyq mańyzy bar qalanyń ákimi ótinishti qujattarmen birge alǵan kúnnen bastap bes jumys kúninen keshiktirmeı atqarýshy organǵa jiberedi.
11. Atqarýshy organ ótinish berýshiniń ataýly áleýmettik kómek alýshylarǵa tıesiligi derekterin tekserýdi, sondaı-aq osy Qaǵıdalardyń 6-tarmagyna sáıkes faktilerdi belgileýdi júrgizedi.
Atqarýshy organ ótinishterdiń negizinde tizbesi men sanyn kórsete otyryp, jalǵamalarǵa qajettilikti aıqyndaıdy.
12. О́tinish berýshiden nemese kenttiń, aýyldyń, aýyldyq okrýgtiń, aýdandyq mańyzy bar qalanyń ákiminen qujattar qabyldanǵan kúnnen bastap bes jumys kúni ishinde atqarýshy organ ótinish berýshini aqysyz negizde jalǵamamen qamtamasyz etý (úsh dana) nemese onymen qamtamasyz etýden bas tartý (eki dana) týraly sheshim shyǵarady, ol týraly ótinish berýshini habardar etedi, bas tartqan jaǵdaıda – onyń sebebin kórsetedi.
13. О́tinish berýshini aqysyz negizde jalǵamamen qamtamasyz etý týraly sheshim qabyldanǵan jaǵdaıda, sheshimniń birinshi danasy ótinish berýshige, ekinshisi ótkizilgen memlekettik satyp alý qorytyndysy boıynsha jalǵamalardy jetkizýdi júzege asyratyn ónim berýshige jiberiledi jáne úshinshi danasy atqarýshy organda qalady.
Aqysyz negizde jalǵamamen qamtamasyz etýden bas tartylǵan jaǵdaıda, sheshimniń birinshi danasy ótinish berýshige jiberiledi, ekinshi danasy atqarýshy organda qalady.
14. Eger:
1) ótinish berý sátinde ótinish berýshi memlekettik ataýly áleýmettik kómek alýshy bolyp tabylmasa;
2) ótinish berýshige, onyń otbasy múshelerine jáne onymen únemi birge turatyn ózge tulǵalarǵa osy Qaǵıdalarǵa sáıkes buryn jalǵama berilgen bolsa, bul jaǵdaılar aqysyz negizde jalǵama berýden bas tartý úshin negiz bolyp tabylady.
15. О́nim berýshi atqarýshy organnyń aqysyz negizde jalǵamamen qamtamasyz etý týraly sheshimin alǵan sátten bastap memlekettik satyp alý týraly shartta kórsetilgen merzim sheginde ótinish berýshiniń sheshimde kórsetilgen mekenjaıy boıynsha jalǵamany jetkizýdi, sondaı-aq ornatýdy jáne qosýdy júzege asyrady.
16. О́tinish berýshi jalǵamany qabyldaý-tapsyrý aktisine ony jetkizip bergen, ornatqan jáne qosqan sátten bastap bir kún ishinde qol qoıady.